ALBA CARBALLO, PREMIU CONCURSU LLITERARIU DÍA EUROPÉU DE LES LLINGUES

ALBA CARBALLO PREMIU DEL CONCURSU LLITERARIU DEL DÍA EUROPÉU DE LES LLINGUES

Alba Carballo Premiu del Concursu Lliterariu del Día Européu de les Llingues: I "Qué guapo ye querese".

El Conseyu de Mocedá de Xixón y la Oficina de Normalización Llingüística de Xixón entamaron esti concursu lliterariu de rellatos curtios destináu a xente mozo.

Convocáu con motivu del Día Européu de les Llingües pa fomentar l’usu del asturianu ente la mocedá y l’emplegu del mesmu pa falar de too tipu de materies, amás de p'averar la lliteratura a la xente mozo y fomentar un bon querer hacia l’idioma o les persones, alloñáu nesti casu últimu del amor románticu tan enraigonáu na nuesa sociedá.

Na estaya correspondiente al rangu d'edá comprendíu ente los 19 y 25 años, la ganadora foi Alba Carballo, con 'Desnudu nel sable'.

EL XURAU DEL I CONCURSU DE RELLATU CURTIU 'QUE GUAPO YE QUERESE'

El xuráu d'esta primer edición de 'Qué guapo ye querese' tuvo compuestu por Vicente García Oliva, escritor asturianu miembru de l'Academia de la Llingua Asturiana y direutor de la coleición Lliteratura Xuvenil de la mesma institución; Álvaro Granda, presidente del Conseyu de Mocedá de Xixón; y María Xosé Rodríguez López, responsable de la Oficina de Normalización Llingüística, qu'actuó como secretaria.

LOS PREMIOS DEL I CONCURSU DE RELLATU CURTIU 'QUE GUAPO YE QUERESE'

El xuráu decidió por unanimidá conceder los premios que vienen darréu: 

Categoría de 16-18 años

1er premiu: L'amor tamién madruga de Pablo Cueto Parcero

2u premiu: Alborecer de Daniel Fernándes Rodríguez

Categoría 19-25 años

1er premiu: Desnudu nel sable d'Alba Carballo López

2u premiu: El dolor caltria de Claudia Gutiérrez Lueje

3er premiu: La entruga de Borja Riestra Camacho

En tolos casos el xuráu valoró que los rellatos tuvieren acordies col tema del concursu, la orixinalidá de los mesmos y la correición estilística y l'usu afayadizu del idioma.

DÍA INTERNACIONAL DE LA LLINGUA MATERNA

El Día Internacional de la Llingua Materna celébrase añalmente'l 21 de febreru en tol mundu pa concienciar sobre la diversidá llingüística y cultural y el multillingüismu.

Los ganadores van recibir el 21 de febreru próximu un ordenador portátil, mentes que la recompensa pa los segundos ye una tableta y, pal terceru, un llibru electrónicu.

Los textos e imágenes para la realización de esta entrada, están tomados de:
https://llingua.gijon.es
http://asturies.com/